! Ин саҳифаи хусусии Каюмарси Ато, хабарнигори Радиои Озодист. Аммо навиштаҳои ӯ дар ин саҳифа мавқеъ ва дидгоҳҳои Радиои Озодӣ нест.

31 января, 2008

Мо пир шудему ишқи мо пир нашуд

Дар як рӯз шабонарӯз ҳудуди 20 дақиқа тарона мешунавам. Чи таронаҳои тоҷикӣ, чи афғониву эронӣ ва чи русиву амрикоӣ. Аммо аз ҳамаи он, таронаҳои тоҷикиро бештар меписандам. Бахусус, таронаҳои Маликаи Саидро. Шояд он ба Шумо мақбул набошад. Шояд онро Шумо нашунидаед. Ба ҳар ҳол, матни яке аз таронаҳояшро пайнавишт кардам ва барои хондани Шумо рӯи ин сафҳа мегузорам. Боқӣ Шумо медонеду дили Шумо.


Андешаи деру зуд кардӣ, дили ман,
Ғавғои набуду буд кардӣ, дили ман,
Чанде чу чароғ дуд кардӣ, дили ман,
Аз сӯхтанат чӣ суд кардӣ, дили ман???
Дили ман, дили ман, дили ман, дили ман…


Мо пир шудему ишқи мо пир нашуд,
Мо сер шудему чашми мо сер нашуд,
Мо аз гунаҳу хато батадбир шудем,
Эй войи дили мо, ки батадбир нашуд.
Дили ман, дили ман, дили ман, дили ман…


Эй дил, чу насиби ту ҳама хун шудан аст,
Аҳволи ту ҳар лаҳза дигаргун шудан аст,
Эй ҷон ба бадан, баҳри чӣ кор омадаӣ
Чун оқибати кори ту берун шудан аст?!
Дили ман, дили ман, дили ман, дили ман…

Комментариев нет:

Отправить комментарий